Жаңалықтар

Робототехника бойынша жарыс Қонаев қаласында өтті

12 сәуірде Қонаев қаласындағы №10 лицейде R:ED Fest робототехника мен бағдарламалау бойынша облыстық сайыс өтті. Жарысқа Алматы және Жетісу облыстарының түкпір-түкпірінен келген 60-тан астам адам қатысты. 7-17 жас аралығындағы қатысушылар сумо, сызық және шығармашылық санаттарында сайысқа түсіп, роботтарының тамаша қабілеттерін көрсетті.

Жарыс Арман Инжиниринг (R:ED Robotics Education), Алматы облысы білім басқармасы мен Алматы облысы цифрлық технологиялар басқармасы қолдауымен, Инженерлік білім беруді дамыту қорымен, «Қазақстан халқына» Қоғамдық қорымен ұйымдастырылды. Шара қатысушыларға робототехника мен инженерия саласындағы жетістіктерін көрсетуіне мүмкіндік берген инновация мен техникалық шығармашылықтың нағыз мерекесіне айналды.

Робототехникадан Қонаев қаласында өткен жарыс Республикада және Алматы облысында жас ұрпақ арасында робототехника мен технологияға деген қызығушылықтың артып жатқанын көрсетті және біз R:ED Fest фестивалінің осы күзде Астанада өтетін финалын асыға күтеміз.